Маңғыстауда заңсыз балық аулағандар қолға түсті, – деп хабарлайды Polisia.kz.
18 қаңтарда Маңғыстау облысы Полиция департаментінің қызметкерлері Ақшұқыр ауданында іс-шаралар өткізу барысында Toyota LandCruiser-100 және Toyota Estima автокөліктерінде ер адамдар ұсталды.
Тексеру барысында алғашқысынан үш, Toyota Estima автокөлігінен 28 бекіре тұқымдас балық табылып, тәркіленді.
Аталған деректер бойынша Полиция департаменті ҚР ҚК 339-бабының 2-бөлігі (Сирек кездесетін және құрып кету қаупі төнген жануарларды заңсыз пайдалану) бойынша сотқа дейінгі іс жүргізуді бастады.
Тергеу мүддесіндегі өзге ақпарат жария етілмейді.
