Алматыда әлеуметтік желілерді бақылау барысында қоғамдық көліктердегі жолаушыларға арналған карантин шараларын бұзу фактісі анықталды, – деп хабарлайды Polisia.kz.
Жергілікті полиция қызметі басқармасы тексеру жүргізді, оның барысында қыздың жеке басы анықталды.
– Заңға сәйкес шара қолдану үшін ол полицияға жеткізілді. Бұл – 1998 жылы туылған Е.есімді азаматша, қаланың Алатау ауданының тұрғыны.
Оған бірден екі әкімшілік іс қозғалды. ҚР ӘҚбК-нің 425 бабы «Халықтың санитарлық-эпидемиологиялық салауаттылығы саласындағы заңнама талаптарын, сондай-ақ гигиеналық нормаларды бұзу» бойынша 83 мың теңге көлемінде айыппұл салынды (30 АЕК). Сонымен қатар, ҚР ӘҚбК-нің 434 бабы – ұсақ бұзақылық бойынша материалдар шешім қабылдау үшін Алматы қаласының мамандандырылған ауданаралық әкімшілік сотына жіберіледі арнайы іс материалдары СМАС-қа жіберіледі, – деді Алматы қалалық ПД жергілікті полиция қызметі басқармасының бастығы Манап Саттаров.
