27 қаңтарда Ақтөбе облысы Шалқар қаласында мектептің жоғары сынып оқушыларының арасында жанжал туындап, нәтижесінде 16 жасар жасөспірім пышақ жарақатын алды.
Полиция инциденттің барлық қатысушыларын анықтады. Аталмыш қылмысты жасады деген күдікпен 9-сынып оқушысы ұсталды. Осы факті бойынша Қылмыстық кодекстің 99-бабы («Адам өлтіруге оқталу») бойынша сотқа дейінгі тергеу амалдары басталды.
28 қаңтарда Шалқар қаласының № 8 орта мектебінің базасында жасөспірімдер арасындағы қылмыстың алдын алу мақсатында Ақтөбе облысының Полиция департаменті бастығының орынбасары Қанат Нұрмағамбетов білім беру бөлімінің өкілдерімен, ата-аналармен және жоғарғы буын оқушыларымен жиналыс өткізді.
«Жасөспірімдер арасында қылмыс пен құқық бұзушылықтың алдын алу отбасының, сондай-ақ мектептің алғашқы міндеті болып табылады. Тәрбие отбасынан басталуы керек. Ата-аналар баланың қайда екенін білуі тиіс. Полиция оқу орындарында алдын алу шараларын өткізуде. Бірақ, бұл аздық етеді. Біз қоғаммен бірлесіп оқушылар арасындағы құқық бұзушылықтарға қарсы тұруға тиіспіз» – деп атап өтті Қ. Нұрмағамбетов.
Полиция алдағы уақытта осындай фактілерді болдырмау, сондай-ақ жанжалға және осы қылмысты жасауға ықпал еткен себептер мен жағдайларды анықтау бойынша шаралар қабылдайды.
