Ақтөбеде "NAIZA" промоушенінің және "Еркін күш" жауынгерлік клубының чемпиондары ҚР ІІМ Ұлттық ұланының 6655 әскери бөлімінің әскери қызметшілерімен кездесті, – деп хабарлайды Polisia.kz.
Өзара іс-қимыл барысында Қазақстан тарихындағы тұңғыш ММА бойынша үш дүркін әлем чемпионы Жұбаныш Бағдат пен UFC-дан ұсыныс алған атақты спортшы Дастан Амангелді, Gamma нұсқасы бойынша аралас жекпе-жек (ММА) бойынша екі дүркін әлем чемпионы Айдын Төлепбаев сарбаздарды салауатты өмір салтын ұстануға және спортпен белсенді айналысуға шақырды.
Олар спорттағы жетістіктеріне табандылықтың арқасында қол жеткізгенін, сондай-ақ табысқа жету жолында тәртіп пен төзімділіктің маңыздылығын айтты.
Ұландықтардың сұрақтарына жауап бере отырып, чемпиондар өз тәжірибелерімен бөлісіп, жеңістің дене даярлығына ғана емес, адамның рухани моральдық құндылықтарына да байланысты екеніне назар аударды.
Кездесу әскери қызметшілерге оң әсер етіп, оларды жаңа белестерді бағындыруға, денсаулық мәдениетін қалыптастыруға шабыт сыйлағанын атап өткен жөн.
Іс-шара соңында қатысушылар естелік суретке түсті.
