Алматы полициясы ҮЕҰ мен жұртшылықты тартты, – деп хабарлайды Polisia.kz.
Алматы полициясы бұл жоба пилоттық жобада Алматының Алмалы ауданында іске қосылғанын айтты. Жергілікті әкімдіктің көмегімен, Алматы полициясының салалық бөлімшесі, жергілікті атқарушы орган мен үкіметтік емес ұйымдар есірткі қылмысымен және нашақорлықтың алдын алуымен белсенді күресуге бағытталған жалпы меморандумға қол қойды.
– Біріншіден, қалада есірткі заттарын таратумен айналысатын сайттардың граффити жарнамасын бояу бойынша алдын алу іс-шараларын тұрақты түрде жүргізу, сондай-ақ граффити жарнамасын қолданумен айналысатын және «қойындыларды» орналастыру арқылы есірткі заттарын таратумен айналысатын адамдарды анықтау мақсатында аймақтарда бірлескен патрульдеу жүргізу жоспарланып отыр, – деді Алматы қаласы ПД Есірткі қылмысына қарсы күрес басқармасының бастығы Ерлан Алмағамбетов.
«Наркостоп» жобасы аясында құқық қорғау органдарының қызметкерлері 2009 жылдан бері жұмыс жасап келе жатқан және қоғам өміріне тиімді әсер ететін әлеуметтік маңызы бар бағдарламаларға маманданған «Жақыныңа қамқорлық» қоғамдық қорымен бірлесіп тақырыптық дөңгелек үстел өткізді, оның барысында алдын алу іс-шараларының жоспары бекітілді.
