«Қазақстан Республикасы Ішкі істер органдарының Медиа орталығы» ЖШС Бас директоры Ә.Жарылқағанов Мемлекет Басшысының биылғы Жолдауының негізгі бағыттарының орындалу барысын бақылау мақсатында Атырау облысы бойынша Қылмыстық – атқару жүйесі департаментінің қызметкерлерімен кездесті, – деп хабарлайды Polisia.kz.
Ішкі істер министрі полиция генерал-майоры Е.Тұрғымбаевтың нұсқауымен қызметтік іссапарда жүрген «Қазақстан Республикасы Ішкі істер органдарының Медиа орталығы» ЖШС Бас директоры Ә.Жарылқағанов Мемлекет Басшысы Қасым-Жомарт Тоқаевтың биылғы Жолдауының негізгі талаптарының орындалу барысын бақылау мақсатында 2020 жылдың 8 қазанында Атырау облысы бойынша Қылмыстық-атқару жүйесі департаментіне келді.
Барлық санитарлық – гигиеналық талаптарды орындай отырып, өткізілген кездесу барысында бұқаралық ақпарат құралдарымен байланыс, қылмыстық-атқару жүйесі саласы мекемелері қызметінің жариялығы, сотталғандардың конституциялық құқықтарын қорғау мен оларды қоғамға бейімдеу сияқты мәселелер талқыланды.
