15 қазанда Орал қалалық пробация қызметінің есебінде тұрған азаматтардың қатысуымен Қазақстан халқы Ассамблеясының Достық үйінде маңызды кездесу өтті, – деп хабарлайды Polisia.kz.
Іс-шараға Батыс Қазақстан облысы бойынша адам құқықтары жөніндегі уәкіл Ж.Нұрмағамбетова, “Ақ отау” отбасы орталығының төрайымы А.Есқалиева, БҚО қоғамдық даму басқармасы басшысының орынбасары Г. Шокеева, БҚО жергілікті полиция қызметі басқармасының бастығы Л.Шадияров, БҚО ПД ЖПҚ бастығының орынбасары А.Дюсекенов, сондай-ақ БҚО прокурорының көмекшісі Р.Сундуков қатысты.
Кездесу барысында қатысушылар пробация қызметінде есепте тұрған азаматтардың әлеуметтену мәселелерін, тұрмыстық зорлық-зомбылықпен күрес жолдарын және жұмысқа орналасу мүмкіндіктерін кеңінен талқылады. Бұл маңызды диалог қоғамның тұрақтылығы мен бейбіт өмірін қамтамасыз етудегі өзара қолдау мен ынтымақтастықтың маңыздылығын айқындады.
