Отбасында жанжал шығарған павлодарлық 10 тәулікке қамауға алынды, – деп хабарлайды Polisia.kz.
Павлодар қаласының Оңтүстік полиция бөлімінің аумағында криминалдық жағдайды сауықтыру мақсатында рейдтік іс-шаралар өткізілді. Бірінші кезекте, мұндай іс-шаралар қылмыстар мен құқық бұзушылықтардың алдын алу және оларға жол бермеу мақсатында жүргізіледі. Нәтижесінде, ішкі істер органдарының профилактикалық есебінде тұрған 65 адам әртүрлі санаттар бойынша тексерілді: бұл шартты түрде мерзімінен бұрын босатылған, бұрын сотталған, тұрмысы нашар отбасылар және күмәнді пәтерлер, пробация қызметінің бақылауында тұрған адамдар.
Нәтижесінде, түрлі құқық бұзушылықтар үшін полицияға 21 адам жеткізілді, сондай-ақ 43 түрлі әкімшілік құқық бұзушылық анықталды.
Азаматтар отбасылық-тұрмыстық қарым-қатынас саласында құқыққа қайшы әрекеттер жасағаны үшін, мас күйінде қала бойынша жүріп, аулада спирттік ішімдіктер ішкені, белгіленбеген орындарда темекі шеккені, ұсақ бұзақылық жасағаны және т.б. үшін ұсталды.
Мысалы, ювеналдық полиция қызметкерлері ата-аналары кәмелетке толмағандарды тәрбиелеумен тиісті деңгейде айналыспайтын тұрмысы нашар отбасыларды тұрғылықты жері бойынша тексерді. Екі отбасындағы жағдай әлі күнге дейін шешілген жоқ. Осыған байланысты 21 және 34 жастағы заңды өкілдерге қатысты ҚР ӘҚБтК-нің 127-бабы бойынша әкімшілік материалдар жасалды, материалдар шешім қабылдау үшін сотқа жіберілетін болады.
Басқа жағдайда, учаскелік полиция инспекторлары отбасы-тұрмыстық қатынастар саласындағы құқыққа қайшы әрекеттері үшін ҚР ӘҚБтК-нің 73-бабы 2-бөлімі бойынша 56 жастағы павлодарлыққа қатысты хаттама толтырылды. Павлодар қалалық соты ер адамды үш айға тәртіп бұзушының мінез-құлқына ерекше талаптар белгілей отырып, 10 тәулік мерзімге әкімшілік қамауға алды.
– 34 жастағы шартты түрде мерзімінен бұрын босатылған азаматты тұрғылықты жері бойынша тексеру кезінде сағат 22.00-ден кейін оның шектеулерді бұзу фактісі анықталды. Ер адамның қарым-қатынасында бірінші рет ескерту жасалды. Егер жағдай қайталанса, онда сот шартты түрде мерзімінен бұрын босату мерзімін өзгертеді, – деді Оңтүстік полиция бөлімі бастығының бірінші орынбасары Марат Тілеулин.
