Павлодар облысы ПД-да “Үздік тәлімгер” байқауы өтті, – деп хабарлайды Polisia.kz.
Полиция департаментінің алаңында “Үздік тәлімгер” байқауының қорытындысы шығарылып, аумақтық бөлімшелердің қатысушылары біріктірілді.
Ұйымдастырушылар қатысушыларға дене шынықтыру нормативтерін тапсыруды, Қазақстан Республикасының заңнамасын білуге тестілеуді, Макаров тапаншасын атудың практикалық дағдыларын қамтитын ауқымды бағдарлама дайындады, ең бастысы, қатысушыларға полицияға тек қызметке кірген жас қызметкерлердің тәлімгерлері ретіндегі өз қызметі туралы арнайы комиссияға айту керек болды.
Тәлімгерлік институтының маңыздылығы және оның жас полицейдің қалыптасуындағы рөлі туралы тәлімгерлер кеңесінің төрағасы Бақберді Абраев айтып берді.
– Полиция қызметкерінің бірінші жылы бейімделуі оның одан әрі қызметінің негізгі факторы және тәлімгер өз қамқорлығында қызметтің іргетасына айналатын кәсіби және жеке дағдылар мен қасиеттерді қалыптастырады. Биылғы жыл ІІМ-де кадрлық әлеует жылы аясында өтуде, бұл ең бастысы – кәсіби кадрлық ядроны құру және нығайту, тәлімгерлік институтының белсенді жұмысы, ұрпақтар сабақтастығы және ішкі істер органдары ардагерлерінің полиция қызметкерлерін тәрбиелеудегі рөлін арттыру, – деп атап өтті Бақберді Абраев.
Конкурс барысында қатысушылар барлық кезеңдерден абыроймен өтті, ал іс-шараның шарықтау шегі конкурстық комиссияның отырысы болды, онда әрбір тәлімгер өз жұмысы және жас қызметкермен бірлескен жұмыс нәтижелері туралы айтты.
Қатысушылардың әрқайсысы өз тәлімгеріне қандай негізгі дағдыларды үйрете алғанын көрсетті. Жеңімпазды таңдау қиын және жауапкершілікті қажет етті. Комиссия мүшелері презентация кезеңін ғана емес, тестілеу, дене шынықтыру және атыс дайындығының нәтижелерін, тәлімгердің жеке қасиеттерін, оның тәжірибесі мен жас қызметкермен жұмыс деңгейін де ескерген.
Дауыс беру барысында жас қызметкерлердің тәлімгері полиция департаментінің жедел әрекет ету арнайы жасағының инспекторы Сұңғат Сапаров комиссияның бірауыздан қабылдаған шешімімен “Үздік тәлімгер” деп танылды. Бақберді Абраев байқау жеңімпазына вымпел табыстап, одан әрі қызметте табыс тіледі.
