Павлодар облысында автожолда жүрген жылқылар табынының иесі жауапқа тартылды, – деп хабарлайды Polisia.kz.
Бүгінгі таңда автожолда жайылып жүрген мал өзекті мәселе болып қала береді, бұл адамдар зардап шегуі немесе өлуі мүмкін апаттарға алып келеді.
Полицейлер иесіз малды анықтау бойынша тұрақты негізде рейдтер жүргізеді, олардың иелері мал басын тиісті түрде жаюды қамтамасыз ету үшін қажетті шара қабылдамайды.
– Жыл басынан бері Павлодар облысында 4805 бас иесіз жайылып жүрген малды полицейлер айыппұл тұрақтарына орналастырды және 702 мал иесі әкімшілік жауапкершілікке тартылды. Мысалы полицияға Мойылды ауылының жанында жылқы табыны кезіп жүргені туралы хабарлама келіп түсті. Құқық қорғау органдары бұл табынды айыппұл тұрағына қамады. Жылқы иесі анықталды, бұл бұзушылық үшін ауыл тұрғыны әкімшілік жауапкершілікке тартылды, – дейді Павлодар облысы полиция департаментінің баспасөз қызметі.
Полиция барлық мал иелеріне жайылым ережелерін қатаң сақтау туралы ескертеді.
