Павлодар облысында алкогольге қарсы заңнаманы бұзған 300-ге жуық азамат жазанды, – деп хабарлайды Polisia.kz.
Полицейлер тұрақты негізде рейдтік іс-шараларды жүргізіп жатыр.
– Мысалы, Павлодарда сағат 21:40 шамасында Мағжан Жұмабаев көшесі бойындағы дүкенде тыйым салынған уақытта 40% күшейтілген алкоголь өнімін сату фактісі анықталды. Бұл бұзушылық үшін дүкен иесі әкімшілік жауапкершілікке тартылды. Екібастұзда Королев көшесіндегі дүкендердің бірінде сатушы 21 жасқа толмаған адамға алкоголь сатты. Дүкен иелері әкімшілік жауапкершілікке тартылды, материалдар шешім қабылдау үшін сотқа жіберілді, – деді Павлодар облысы ПД жергілікті полиция қызметінің бастығы Қуаныш Мұстафинов.
Құқықтық тәртіп сақшысы тұрақты құқықтық түсіндіру жұмыстарына қарамастан, сатушылар пайда табу үшін әлі де заңнаманы бұзатынын атап өтті.
– Бұл мәселені тек заңнамалық шаралармен шешу жеткіліксіз екенін және кәсіпкерлердің де, сатып алушылардың да заңға бағынатын тәртібіне байланысты екенін түсіну маңызды. Тек осы жылдың өзінде 8,5 мыңнан астам азамат облысымызда алкогольдік ішімдіктер ішкені және қоғамдық орындарда мас күйінде пайда болғаны үшін жазаланды, – деді Мұстафинов.
Естеріңізге сала кетейік, аталған бұзушылықтар 15 желтоқсанға дейін жалғасатын “Учаске” жедел-профилактикалық іс-шарасын өткізу барысында тоқтатылған, осыған байланысты полиция азаматтардан іс-шараны өткізу кезінде түсіністікпен қарауды сұрайды.
