Павлодар облысында есірткіге қарсы фестиваль өтті, – деп хабарлайды Polisia.kz.
Павлодар қаласының орталық жағалауында Ертіс өңірінің тұрғындары мен қонақтарының назарын жасөспірімдер мен жастар арасында тыйым салынған заттардың таралу проблемасына аударуға бағытталған бірқатар ауқымды іс-шаралар өтті.
Іс-шараны Павлодар облысының полиция департаменті Павлодар қаласының ішкі саясат бөлімі және “Азаматтық Альянс” қолдауымен ұйымдастырды.
ErtisPromenade сахнасының жанында тақырыптық алаңдар жұмыс істеді, онда әрбір тілек білдіруші республикалық ғылыми-практикалық және Павлодар облыстық психикалық денсаулық орталықтары, АИТВ-инфекциясының алдын алу орталығы мамандарының консультацияларын алдыҚазақстан Республикасы Ішкі істер министрлігінің оқу орындарына түсу шарттары туралы, өзін-өзі қорғау тәсілдері туралы біле алды, сондай-ақ жеңіл атлетикалық марафонға және квест-ойынға қатысты.
Жаман әдеттерге қарсы, салауатты өмір салтын насихаттау мақсатында еріктілер мен қоғам белсенділері “дозамен емес, арманмен өмір сүр!” деген жадынамалар таратты.
Фестивальдің барлық қатысушылары өз өмірі мен айналасындағылардың өмірі үшін жауапкершілік сезімін тәрбиелеу қажеттілігі және денсаулық – адамның басты құндылығы туралы ақпарат алды. Оны сатып алу мүмкін емес, бірақ денсаулығыңызға орны толмас зиян келтірмеу үшін оны сақтау және нығайту қажет.
Фестивальдің қорытынды аккорды әр түрлі шығармашылық ұжымдардың тәрбиеленушілері қатысқан концерттік бағдарлама болды.
Павлодар облысының полиция департаменті Павлодар қаласының жалпы білім беретін мектептерінің “Ашық жүрек” және “Біздің жүрегіміздегі мейірімділік” еріктілер отрядтарына, облыстың Ақпарат және қоғамдық даму басқармасының жастар бастамаларын дамыту орталығына, “AMANAT” партиясының “Жастар Рухы” жастар қанатына өңірдегі есірткіге қарсы саясатты дамытуға қосқан елеулі үлесі үшін алғыс білдірді
– Полицейлер өткізетін мұндай іс-шаралар нашақорлықтың алдын алу жөніндегі жұмыстың маңызды бөлігі болып табылады. Олар есірткіні қолданудың қауіптілігін түсінуге және қиын жағдайларда дұрыс шешім қабылдауды үйренуге көмектеседі, – деп атап өтті Павлодар облысы ПД есірткі қылмысына қарсы іс-қимыл басқармасының бастығы Тимур Қаржаубаев.
