Павлодар облысында мал ұрлаған ер адамға шартты жаза тағайындалды, - деп хабарлайды Polisia.kz.
Павлодар ауданында пробациялық бақылауда тұрған 30 жастағы ер адам мал ұрлығы үшін есепке алынған.
Оқиға ауданның бір ауылдық округінде болған. Сотталған адам мал иелерінің үйде жоқ екенін біліп, түнде жас бұқаны жайылымнан жасырын айдап әкетіп, оны үнсіз сатып жібермек болған. Алайда жәбірленуші малдың жоғалғанын уақытында байқап, полицияға хабарлаған.
Сот оны ҚР ҚК 188-1-бабы 2-бөлімі 2-тармағы (Қайтадан немесе адамдар тобы жасалған мал ұрлығы) бойынша кінәлі деп танып, 3 жылға бас бостандығынан айыру жазасын тағайындаған. Алайда ҚР ҚК 63-бабына сәйкес бұл жаза шартты деп есептеліп, 3 жыл мерзімге пробациялық бақылау белгіленді.
— Шартты жаза бақылаумен бірге — жазаны жеңілдету емес, керісінше адамды түзеу жолына бағыттаудың бір мүмкіндігі. Бұл қайталама қылмысқа жол бермеуге, сотталғанның қоғамға қайта бейімделуіне ықпал етеді, — дейді Павлодар ауданы пробация қызметінің аға инспекторы Саягүл Арынова.
