Павлодар облысында тіркеусіз және сақтандырусыз, сондай-ақ жүргізу құқығынсыз скутер басқарған мас адам 20 тәулікке қамауға алынды, – деп хабарлайды Polisia.kz.
Рейдтік іс-шаралар барысында сағат 00.40-та Железин ауданы Башмачное ауылының маңындағы Омбы – Майқапшағай автожолында Ragel скутерін сенімсіз басқарған жүргізуші полицейлердің көзіне түсті.
– Полицейлер тексеру кезінде жүргізушіде жүргізуші куәлігі де, сақтандыру да, скутердің тіркелуі де жоқ екенін анықтады. Сонымен қатар 27 жастағы жүргізушімен әңгімелесу барысында оның мас болу белгілері анықталды. Мұны медициналық куәландыру да растады. Сот шешімі бойынша ҚР ӘҚБтК-нің 608-бабының 6-бөлігімен ауыл тұрғыны 20 тәулікке әкімшілік қамауға алынды, – деді Павлодар облысы Железин ауданының полиция бөлімінің бастығы Елдос Нұрғалиев.
Жол қозғалысы ережелерін қатаң сақтау – көлік құралдарының барлық түрлерінің жүргізушілері үшін қауіпсіздік кепілі. Жылы мезгілде ерекше назарға алынатындар – скутер мен велосипед жүргізушілері.
– Бұл көлік құралдары кейбір адамдарды тиісті жауапкершіліксіз басқаруға мәжбүр етеді. Бұл апаттың ықтималдығына әкелуі мүмкін. Жол бойындағы скутер де, велосипедші де жол қозғалысының қатысушылары екенін және ережелерді қатаң сақтауға міндетті екенін есте ұстаған жөн, – дейді Нұрғалиев.
2023 жылдың ағымдағы кезеңінде Павлодар облысының полицейлері көлікті мас күйінде басқарудың 400-ге жуық фактісін тіркеді.
