Павлодар облысында полицей аязда жолда қалған шетелдіктерді құтқарғаны үшін марапатталды, – деп хабарлайды Polisia.kz.
Учаскелік полицей Бауыржан Бидаев Тәжікстанның аязда қалып қойған 60 азаматын құтқарды, оның ішінде 10-ы бала. Біздің отандастарымыз аяздың салдарынан бірнеше сағат бойы жолды жалғастыра алмады.
– Автобус бұзылып, оған қоса көмек те келмеді. Уақыт тығыз болып тұрғанда Бауыржан табандылық пен кәсібилік танытты. Ол қиындыққа тап болған адамдарға көмектесу үшін жедел шешім қабылдады. Құтқарушылардың келуін күтудің орнына, ол өздігінен әрекет ете бастады. Жолаушыларды жылумен қамтамасыз етті, оларды уақытша орналастырып, ыстық шай мен тамақ жеткізуді ұйымдастырды. Бірнеше сағат бойы учаскелік полицей жағдайды бақылап, апаттық қызметтің іс-қимылын үйлестірді. Автобус жөнделіп, жолаушылар жолды жалғастыра алғанға дейін адамдардың қауіпсіздігін қамтамасыз етті, – деді Павлодар облысы тәжік этномәдени орталығының төрағасы Хусейн Гулов.
Бауыржан Бидаев өзінің ерлігі мен батыл әрекеті үшін Қазақстан халқы Ассамблеясының Алғыс хатымен және бағалы сыйлығымен марапатталды.
Марапаттау рәсіміне Тәжік этномәдени орталығының мүшелері шақырылды. Қатысқан балалар өз тілектерінде полицейдің әрекеті әрбір сақшының төтенше жағдайда қалай әрекет ету керектігінің мысалы екенін атап өтті. Оның әрекеттері адамдардың өмірін сақтап қалды, қайғылы салдардың алдын алды және жоғары моральдық қасиеттер мен кәсібилікті көрсетті.
– Учаскелік полицей Бидаевпен болған оқиға кәсіби маман ғана емес, кез-келген жағдайда көмекке келуге дайын адам болу қаншалықты маңызды екендігінің жарқын мысалы. Учаскелік полицейдің жұмысы – бұл қарапайым қызметтік міндеттерді орындау ғана емес, сонымен қатар азаматтардың қауіпсіздігін күнделікті бақылау. Майордың іс-әрекеті азаматтардың қауіпсіздігі әрқашан бірінші орында тұрғанын және егер олар тиісті сақтық пен сыни жағдайда әрекет етуге дайын болса, әркім батыр бола алатындығын еске салады, – деп атап өтті Павлодар облысының полиция департаменті.
