Ертіс өңірінің полицейлері есірткіге қарсы акциялар өткізу эстафетасын қабылдады, – деп хабарлайды Polisia.kz.
Іс-шараның мақсаты – жұртшылықты есірткінің заңсыз айналымына қарсы іс-қимылға және оларды медицинадан тыс тұтынудың алдын алуға тарту. Сондай-ақ нашақорларды емдеу және оларды оңалту мүмкіндіктері туралы азаматтардың хабардарлығын арттыру.
– Профилактикалық акциялар барлық қалалық және аудандық орталықтарда өткізіледі, – дейді Павлодар облысы ПД есірткі қылмысына қарсы іс-қимыл басқармасының бастығы Тимур Қаржаубаев.
Іс-шараларға құқық қорғау органдары мен прокуратура қызметкерлері атқарушы билік органдары, қоғамдық ұйымдар, «жастар бастамаларын дамыту орталығы», еріктілермен, қала құраушы кәсіпорындар мен коммуналдық қызметтер қызметкерлері өзара іс-қимылға қатысты.
Қала аумағын қамту үшін 300 адамнан тұратын 30 мобильді топ құрылды, оған қатысушылар жергілікті жерді аралап есірткіге қарсы контенттерді насихаттайтын граффити-жазулардың орналасқан жерін анықтады және оларды бояу арқылы жою шараларын қабылдады.
2024 жылы Павлодар облысының аумағында есірткі және психотроптық заттардың заңсыз айналымы саласында 174 құқық бұзушылық тіркелген. Есірткі шоғырланулардың қызметі тоқтатылды, 64 өткізу фактісі анықталды. Заңсыз айналымнан 123 келі түрлі есірткі тәркіленді, оның ішінде 10 келіден астамы синтетикадан шыққан психотроптық заттардан тұрады.
Жұртшылықтың назарының арқасында Қазақстан Республикасының есірткі айналымын бақылау саласындағы заңнамасын бұзатын 100-ге жуық сайт анықталды. Бұл ресурстар туралы ақпарат кіруді бұғаттау мәселесін шешуге бағытталған.
Заңсыз айналымға және есірткіні тұтынуға қарсы іс-қимыл бойынша жұмыс жалғасуда, мұндай фактілер туралы ақпаратты азаматтар полицияға кез келген уақытта “102” телефоны арқылы хабарлай алады немесе Telegram мессенджеріндегі «Police 102» қосымшасын немесе «Көлеңкелі қаһарман» чат-ботын пайдалана алады.
