Павлодар облысының полиция департаментінде «Қазіргі жағдайда Қазақстандық ІІО ардагерлер кеңесі мен Ұлттық ұлан ардагерлері ұйымы қызметінің тиімділігін арттыру жөніндегі шаралар туралы» тақырыбында семинар-кеңес өтті, – деп хабарлайды Polisia.kz.
Залда әртүрлі ұрпақтың ардагерлері, өмірлік және кәсіби тәжірибелері мен департаменттің жеке құрамы жиналды. Қазақстан Республикасы ІІМ Қазақстан ардагерлер кеңесінің және Ұлттық ұланның төрағасы милиция генерал-майоры Өмірзақ Болсамбеков құттықтау сөз сөйледі.
– Ішкі істер органдарының ардагерлері отставкаға кеткеннен кейін ІІО-ның қазіргі қызметкерлерімен бір қатарда қалуды жалғастырып, оларға өзінің баға жетпес тәжірибесі мен адамгершілік және патриоттық тәрбиеге қосқан елеулі үлесін беретін адамдардың ерекше санаты дер едім. Сіздердің өмір тарихтарыңыз, азаматтық борыштарыңызға адал болуларыңыз бүгінгі күнге дейін жас полицейлерге үлгі болып келеді, ал кәсіби білім қазіргі уақытта да сұранысқа ие, – деді ол.
– Бүгінде елімізде полиция қызметін жетілдіруге бағытталған орасан зор жұмыс жүргізіліп жатыр. Бұл өзгерістер полицияға қол жетімді және ашық болуға мүмкіндік береді. «Сервистік полиция» жобасы да басым бағыттардың бірі саналады. Біздің облысымыздың базасында азаматтардың мәселелеріне бағдарланған халыққа сапалы полиция қызметтерін көрсетуге бағытталған бірқатар ауқымды пилоттық жобалар сәтті сыналды. Ол үшін жеке құрамның қызмет атқаруы, сондай-ақ сыбайлас жемқорлық тәуекелдерін болдырмау үшін қолайлы жағдайлар жасалған. Бұған павлодарлық полицейлердің үйлесімді, кәсіби жұмысы, олардың қойылған міндеттерді іске асыруға жауапты көзқарасы ықпал етеді, – деп атап өтті облыстық полиция ведомствосының бастығы Василий Скляр.
Департамент басшылығы құрметті ардагер қонақтарға алғысын білдіріп, олардың болашақ ұрпақты тәрбиелеу ісіне қосқан үлесі қазіргі полиция қызметкерлері үшін маңызды көмек екенін, мұндай кездесулер маңызды екенін, ұрпақтар сабақтастығын қолдайтынын тілге тиек етті.
Семинар-кеңес соңында Павлодар облысы ІІО бірқатар ардагерлері марапатталды және медальдар табысталды.
