Павлодар облысында полицейлер республикалық экологиялық "Таза Қазақстан" акциясы аясында жергілікті атқарушы органдардың өкілдерімен бірлесіп, тұрмыстық қалдықтарды заңсыз төгу деректерін анықтау бойынша рейдтік іс-шаралар өткізді, – деп хабарлайды Polisia.kz.
Тексеру барысында қоқысты заңсыз шығару және төгу бойынша екі дерек әшкереленді. Қала көркін сақтау қағидаларын бұзған азаматтар жауапкершілікке тартылды.
– Мұндай рейдтер жүйелі түрде өткізіліп тұрады және олар халықтың экологиялық мәдениетін арттыруға, сондай-ақ қоршаған орта мен азаматтардың денсаулығына зиян келтіретін бей-берекет қоқыс үйінділерінің пайда болуының алдын алуға бағытталған, – деп атап өтті полицейлер.
Тәртіп сақшылары қоршаған ортаны таза ұстауға шақырады.
