Павлодар облысында полицейлерге арналған мобильді академия курстары өткізілді, – деп хабарлайды Polisia.kz.
Облыстық полиция департаменті аппаратының қызметкерлері біліктілікті арттыру курстарынан өтті.
Курстарды ұйымдастырушылар – ҚР ІІМ М.Бөкенбаев атындағы Ақтөбе заң институтының қылмыстық процесс және криминалистика кафедрасының меңгерушісі Нелля Саханова және көлік объектілеріндегі қауіпсіздікті ұйымдастыру кафедрасының аға оқытушысы Қуат Ерланұлы.
– Негізгі мақсат – қазақстандық полицияның практикалық қызметінде қолданылатын жаңа стандарттар мен модельдерді үйрету. Қызметтен қол үзбей-ақ, полиция қызметкерлері өздерінің басқарушылық қызметінде қолданатын тұжырымдамаларды меңгерді, – деді Павлодар облысы ПД бастығының орынбасары Жандос Орымбаев.
Мұндай сабақтар полиция жұмысының тиімділігін арттырумен қатар, халықтың сенімін нығайтуға да бағытталған.
