Павлодар облысында полиция бір тәулікте 400-ден астам құқық бұзушылықтың жолын кесті, – деп хабарлайды Polisia.kz.
Іс-шара барысында полицейлер елді мекендерді, әкімшілік учаскелерді және саяжай алқаптарын патрульдеуге ерекше назар аударады. Елде болу ережелерін бұзған шетелдіктерді анықтау, есепке алынатын адамдарды бақылау, тыйым салынған заттарды заңсыз сақтайтын немесе тасымалдайтын адамдарды тексеру және ұстау жұмыстары қарастырылған.
– Іс-шараның бірінші күні құқық қорғау органдары 17 қылмысты ашып, 413 әкімшілік құқық бұзушылықтың жолын кесті: оның ішінде 137-сі көші-қон заңнамасын бұзу, 42-сі қоғамдық орындарда мас күйде болғаны үшін, 32-сі отбасылық-тұрмыстық саладағы заң бұзушылық, 28-сі тыныштықты бұзу, 10-ы ұсақ бұзақылық фактілері. Жол қозғалысына қатысушылар да тәртіптілігімен ерекшеленбейді, 53 жаяу жүргінші анықталды, олар жолды белгіленбеген жерде кесіп өтті, 13 жүргізуші құқықтары жоқ көлікті жүргізуге отырды. Мысалы, Екібастұзда М. Жүсіп көшесінде Lada автокөлігінің жүргізушісі тоқтатылды. Бұдан басқа, медициналық куәландыру актісіне сәйкес жүргізуші мас күйінде болған. Сол күні Wolksvagen Polo көлігінің жүргізушісі де мас болып шықты. Құқық бұзушыларға қатысты әкімшілік материалдар толтырылды, – деді Павлодар облысы ПД жергілікті полиция қызметінің бастығы Қуаныш Мұстафинов.
Сондай-ақ көрші мемлекеттердің аумағында қылмыс жасағаны үшін мемлекетаралық іздеуде жүрген 3 қылмыстық қылмыскердің орналасқан жері анықталды.
Естеріңізге сала кетейік, іс-шара осы жылдың 28 тамызына дейін жалғасады. Полицейлер облыс тұрғындары мен қонақтарын заңды сақтауға және тәртіпті бұзбауға шақырады.
