Павлодар облысында полиция профилактикалық шаралар өткізіп жатыр, — деп хабарлайды Polisia.kz.
Өңірлік коммуникациялар қызметінде отбасылық-тұрмыстық қатынастардың алдын алу мәселелері бойынша брифинг өтті. Онда ПД КҚПБ отбасылық-тұрмыстық халыққа қарсы күрес бөлімінің аға инспекторы Индира Жүсіпова қатысушыларды жұмыс нәтижелерімен таныстырды.
Бүкіл әлемдегі зорлық-зомбылық құқық бұзушылықтың кең таралған түрі болып қала береді. Біздің қоғамдағы тұрмыстық зорлық-зомбылықпен күресу қылмыспен күресу сияқты маңызды мәселе. Қылмыстың жолын кесу және оған жол бермеу мақсатында полицейлер құқық бұзушылармен профилактикалық жұмыстар жүргізуде. Бүгінгі таңда Павлодар облысының аумағында отбасылық-тұрмыстық қатынастар саласындағы бұзушылықтар үшін 2,5 мыңнан астам азамат жауапқа тартылды.
Отбасылық-тұрмыстық қатынастар саласында құқық бұзушылыққа жол берген адамдарға қатысты үш мыңға жуық қорғау ұйғарымы шығарылды. Оларды бұзғаны үшін 152 құқық бұзушы жауапқа тартылды. Полицияның өтініші бойынша сот құқық бұзушылардың мінез-құлқына 627 ерекше талап қойды, оның ішінде алкогольдік ішімдіктерді пайдалануға тыйым салуға 622, психологиялық көмек көрсету бойынша — 20.
Алкоголь мен нашақорлықтан зардап шегетін адамдарды мәжбүрлеп емдеуге дайындалған 191 өтініштің 183-і сотпен қанағаттандырылды. Қазақстан Республикасының алкоголь өнімін өткізу жөніндегі заңнамасын бұзғаны үшін өңірдің 200-ден астам азаматы жауапқа тартылды.
Тәртіп сақшысы отбасында физикалық және моральдық-психологиялық тұрғыдан ғана емес, кез-келген зорлық-зомбылыққа жол берілмейтінін еске салды. Отбасы отбасылық жанжалқорға үнсіз шыдап отырмауы керек.
Егер сіз қылмыстың құрбаны немесе куәгері болсаңыз, 102 нөміріне хабарласыңыз. Өмірлік қиын жағдайға тап болған балалар мен жастарға заңгерлік, психологиялық және консультациялық көмек көрсету бойынша республикалық Call-орталық жұмыс істейді: 150.
Консультациялық көмек, кәмелетке толмағандардың, ата-аналардың ашық және жасырын өтініштерін қабылдау үшін сенім телефоны жұмыс істейді: 8 (7182) 54- 03- 03, ал дағдарыс орталығының телефоны -111.
