Павлодар облысы №46 мекемеде «Қақпа алдындағы кездесу» әлеуметтік жобасы өткізілді, – деп хабарлайды Polisia.kz.
№46 мекемеде бас бостандығынан айыру орындарынан босатылған азаматтарға уақытылы және сапалы көмек көрсетуге бағытталған “Қақпа алдындағы кездесу” әлеуметтік жобасы өтті. Жоба мекемедегі сотталғандарға босатылғаннан кейін жұмысқа орналасуға және тұрмыстық мәселелерді шешуге ықпал ете отырып, оларды азаматтық өмірге бейімдеу процесінде қолдауға бағытталған.
Жоба шеңберінде кешенді көмек, оның ішінде жұмысқа орналастыру бойынша консультациялар, әлеуметтік және құқықтық қызметтер туралы ақпарат беру, сондай-ақ құжаттарды ресімдеу, тұрғын үй іздеу және әлеуметтік оңалтудың басқа да мәселелері сияқты өзекті мәселелерді шешуге көмектесу жүзеге асырылады.
Іс-шараға «Павлодар қаласының жұмыспен қамту және әлеуметтік бағдарламалар бөлімі» ММ бас маманы И. Т. Талғат, Павлодар қаласы ББ Солтүстік полиция бөлімінің бастығы А. Адылбаев, Павлодар облысы бойынша ҚАЖД Павлодар қаласының пробация қызметінің аға инспекторы Д. И. Сансызбаев қатысты.
– «Қақпа алдындағы кездесу» жобасы қылмыстың қайталану деңгейін төмендетуге және азаматтарды босатылғаннан кейін қоғамға табысты біріктіруге бағытталған. Мұндай бастамалар адамдарға жаңа бастамаға қолдау мен ресурстар алу арқылы қалыпты жағдайға оралуға көмектеседі, – дейді мекеме бастығы Сұлтан Бакин.
