Павлодар облысында "Қауіпсіз жол" іс-шарасы жалғасуда, - деп хабарлайды Polisia.kz.
Павлодар облысында жол қозғалысы қауіпсіздігін қамтамасыз етуге бағытталған "Қауіпсіз жол" жедел-алдын алу іс-шарасы жалғасып жатыр. Шараның мақсаты – жүргізушілер мен жолаушылардың қауіпсіздігін қорғау және жол қозғалысы ережелерінің барлық түрдегі бұзушылықтарының алдын алу.
Жиі кездесетін құқық бұзушылықтардың бірі – маневр жасау ережелерін сақтамау. Мәселен, Павлодар қаласының көшелерінің бірінде Toyota Camry автокөлігінің жүргізушісі жолда рұқсатсыз маневр жасағаны үшін тоқтатылды. Ол бұрылыстарды көрсетпестен, қатардан қатарға бей-берекет ауысқан.
Ведомствоның мәліметінше, қаладағы көлік қозғалысында маневр жасау ерекше сақтықты талап етеді. Жүргізушілер жиі орын алатын қатар ауыстыруға, кенет тоқтауларға және бұрылыстарға әрдайым дайын болуы тиіс. Сондай-ақ жаяу жүргіншілер мен өзге көлік құралдарының қозғалысын да назардан тыс қалдырмауы қажет.
