Павлодар облыстық ҚАЖД-ға қарасты №44 (қауіпсізідігі ең төмен) мекемесінде жазасын өтеп жатқан сотталғандар "ТЫНЫС" ЖШС-ға жұмысқа орналастырылған. Олар еңбек шарты бойынша жұмыс істейді, - деп хабарлайды Polisia.kz.
Жұмыс неміс технологиясы бойынша М200 брендінің танымал өнімдері шығарылатын модульдік зауытта жүзеге асырылады. Өнім сұранысқа ие, тауар сапалы. Сотталғандар жалақы алып, қарыздарын өтейді, отбасыларына материалдық көмек көрсетеді.
- Мекемеде жұмыс істеп жатқанымызға екі жылдан асты. Бүгінгі таңда 65 сотталғанды жұмысқа қабылдадық. Олардың барлығы әртүрлі қызметпен айналасады. Жұмысшыларға шағым жоқ. Жеткізу бар, түскі аспен қамтамасыз етеміз. Сотталғандардың жалақысы 120-130 мың теңге шамасында, - дейді ЖШС басшысы Валерий Филяев
- Мұнда жұмыс істеп жатқаныма бір жылға жуық уақыт болды. Жұмыспен қамтамасыз еткен мекеме басшылығына алғысым шексіз, - дейді сотталған азаматтардың бірі.
Жалпы, бұл мекемеде 340 сотталған азамат жазасын өтеуде. Олардың 279-ы әртүрлі кәсіпорындарда жұмыс істейді.
