Павлодар облысында сотталғандарға арт-терапия сабағы өтті, - деп хабарлайды Polisia.kz.
Павлодар облысындағы №45 және №46 мекемелерінде жазасын өтеушілер үшін ерекше арт-терапия сабақтарын өтті. Бұл шаралар оларды шығармашылық пен өзін-өзі білдіру әлеміне тартуға мүмкіндік берді. Мастер-класстар барысында қатысушылар акварель және гуашь қолдана отырып, ішкі дүниесін және бостандыққа ұмтылысын көрсететін көркем пейзаждар жасады.
Арт-терапияның мақсаты — жазасын өтеушілердің шығармашылық қабілеттерін дамыту ғана емес, олардың реабилитация процесіне, психоэмоционалдық жағдайын жақсартуға және өзін-өзі бағалау сезімін дамытуға көмектесу. Сурет салу қатысушыларға өз сезімдері мен эмоцияларын білдіруге, сондай-ақ әлемді жаңа көзқараспен көруге мүмкіндік берді.
Сабақтарда әр қатысушыға пейзаж тақырыбын еркін интерпретациялау мүмкіндігі берілді, олар өздеріне жақын табиғат көріністерін таңдады. Бұл атмосфераны сенім мен қолдау сезімімен толтырды, сондай-ақ қатысушылар арасында ұжымдық рухты нығайтты.
Арт-терапевтік сессиялар барысында жасалған картиналар өнердің трансформация құралдары ретінде қаншалықты маңызды екенін айқын көрсетті. Жазасын өтеушілер сурет салу процесі тек демалу әдісі ғана емес, сонымен бірге өзін-өзі зерделеу мен ішкі өсуге жаңа мүмкіндіктер ашқанына атап өтті.
– Мұндай арт-терапевтік сабақтар жазасын өтеушілердің әлеуметтік бейімделуіне көмек көрсетуге бағытталған білім беру және реабилитация бағдарламаларының ажырамас бөлігіне айналуда. Өнер арқылы олар ішкі сезімдерімен жұмыс істеп қана қоймай, әлемді жаңа көзқараспен қабылдауға үйренеді, - деп атап өтті мекеме басшысының орынбасары Нұрлан Баякенов.
