Павлодар облысында ЖҚЕ бұзған жүргізуші төрт бап бойынша жауапқа тартылды, – деп хабарлайды Polisia.kz.
Павлодар облысының полиция қызметкерлері көшелерде де, қоғамдық орындарда да, өңір жолдарында да құқықтық тәртіпті тәулік бойы қадағалап отырады.
– Біраз уақыт бұрын Павлодар қаласындағы Сәтбаев көшесінде Toyota Chaser көлігінің жүргізушісі төрт жолақты жолақпен жүріп келе жатып, қарсы қозғалысқа арналған жолдың жүру бөлігі жағына шықты. Осыдан кейін жүргізуші басқа да жол ережелерін бұзды. Осылайша, автокөлік жүргізушісі апатқа ұшырады, – деп хабарлады Павлодар қаласы Полиция басқармасы патрульдік полиция батальоның командирі Айдар Сламбеков.
Барлық бұзушылықтар бейнекамераға жазылды. Осыдан кейін бірден жүргізушінің жеке басы анықталды. Сондықтан оған қатысты полиция қызметкерлері төрт әкімшілік хаттама жасады.
Мәселен, қарсы қозғалыс жолағына шыққаны үшін ҚР ӘҚБтК-нің 596-бабына сәйкес қарау үшін материал сотқа жіберілді. Бұдан басқа апатты жағдай жасағаны үшін жүргізуші ҚР ӘҚБтК-нің 606-бабы бойынша әкімшілік жауапкершілікке тартылды, оған 10 АЕК мөлшерінде айыппұл, ҚР ӘҚБтК-нің 599-бабы бойынша бағдаршамның тыйым салатын қызыл сигналына жол жүргені үшін 10 АЕК мөлшерінде айыппұл салынады. ӘҚБтК-нің 599-бабы бойынша 5 АЕК мөлшерінде айыппұл салынды.
