Павлодар облысының ПД бастығы оқушыларды Білім күнімен құттықтады, – деп хабарлайды Polisia.kz.
Василий Скляр Павлодар қаласының №24 орта мектебінің оқушыларын жаңа оқу жылының басталуымен құттықтады, сондай-ақ жолдағы қауіпсіз тәртіп пен оқушылардың жол жүру ережелерін сақтауына арналған интерактивті сабаққа қатысты.
Салтанатты жиында сөз сөйлеген Василий Скляр Білім күні әрбір қазақстандық үшін де, бүкіл ел үшін де маңызды екенін атап өтті, өйткені адам мен оның зияткерлік әлеуетін Мемлекет басшысы елдің басты байлығымен, ал білім беруді – басты басымдықпен белгілейді.
– Жаңа оқу жылы барлығына қызықты әрі жемісті болсын, шығармашылық пен қызықты жаңалықтардың қуанышын әкелсін. Өз күштеріңе сенімді болыңдар және сәттілік сендерге серік болсын. Білім – бұл сендердің болашақтарың, үлкен өмірге апаратын жол, қазіргі әлемде өздеріңді табуға, еліміздің шынайы азаматтары мен патриоттары болуға мүмкіндік екенін ұмытпаңдар! Мұғалімдерге алғыс айтып, жеке құттықтағым келеді. Мұғалімдердің педагогикалық таланты, даналығы мен шыдамдылығының арқасында біз еліміздің болашағы ақылды, кәсіби және табысты адамдар екеніне сенімді және сабырлы бола аламыз, – деп Василий Скляр оқушыларға және бүкіл оқытушылар құрамына өз тілегін тіледі.
Генерал оқушыларға жол ережесін сақтау қажеттігін еске салып, жол ережесі жазылған альбомдар сыйға тартты, сондай-ақ есірткі құралдары мен электронды темекілердің зияны туралы, зорлық-зомбылық пен қорқытуға қарсы заңнаманың жаңа талаптары туралы түсіндірді.
Мектеп кездейсоқ таңдалмады, 2019 жылы осы мектептің базасында полиция кадет сыныбы ашылды, онда 7-сынып оқушылары аптасына бір рет Заңтану және факультативтік сабақтармен айналысады. Мұндай жобаның бастамашылары полиция қызметкерлері болды. Мұнда оқушылар құқық қорғау, заңнама және құқықтану пәндері бойынша білім алады. Ең тәжірибелі тәртіп сақшылары оқытушы болды. Сондай-ақ курсанттар өз мектептерінің аумағында қоғамдық тәртіпті сақтауға қатысып, құрдастарына жол жүру ережелерін түсіндіреді.
Тәртіп сақшылары оқу бағдарламасы мектептің негізгі базасының оқу процесіне кедергі келтірмейтінін атап өтті, өйткені олар аптасына бір рет оқиды. Бұл аймақтың білім басқармасымен келісілді.
Мерекелік жиыннан кейін полиция ведомствосының басшысына кабинеттер, мұражай көрсетіліп, оқушылар қонаққа өз қолдарымен жасалған қолөнер бұйымдарын табыс етті. Қонақтарға полицияның қызметтік автокөлігі көрсетілді.
Іс-шара соңында Василий Скляр қатысушыларды Білім күнімен құттықтап, бірінші сынып оқушыларымен және педагогикалық құраммен естелік фотосуреттерге түсті.
