Павлодар облысының полицейі "Үздік тергеуші" байқауында бақ сынады, - деп хабарлайды Polisia.kz.
"Үздік тергеуші" байқауы – тергеу бөлімшелерінің ең талантты және кәсіби қызметкерлерін анықтауға арналған құқық қорғау жүйесіндегі маңызды іс-шара. Бұл байқау тергеушілерді өз дағдыларын жетілдіруге және кәсіби тұрғыда дамуға ынталандырып, тергеуші мамандығының беделін арттыруға мүмкіндік береді.
Биыл Павлодар қаласының Орталық ПБ аға тергеушісі Полина Педченко ҚР ІІМ Қарағанды академиясының базасында өткен "Үздік тергеуші" республикалық байқауына қатысты.
Конкурс аяқталғаннан кейін Қазақстан Республикасы Ішкі істер министрінің атынан полиция аға лейтенанты Полина Педченко белсенді қатысқаны үшін алғыс хатпен марапатталды.
- Бұл байқау жай ғана жарыс емес, ол кәсіби өсу, білім алмасу және қылмыстарды тергеу сапасын арттыру мүмкіндігі. Ол тергеу қызметінің маңыздылығын атап көрсетеді және қызметкерлерді өз кәсібіндегі жаңа биіктерге ұмтылуға ынталандырады. Мұндай іс-шаралар құқық қорғау органдарының беделін нығайтып, қоғамның тергеу жүйесіне деген сенімін арттыруға ықпал етеді, – деп атап өтті Полина.
Полина Педченко бала кезінен әділеттілікке қол жеткізуге көмектесуді армандаған, сондықтан ол полицияда жұмыс істеуді қалаған. 2018 жылы дарынды балаларға арналған Павлодар облыстық көпсалалы лицей-интернатын бітіріп, ҚР ІІМ Б.Бейсенов атындағы Қарағанды академиясына оқуға түсті. Тәжірибеден өткен кезде ол сотқа 11 эпизод бойынша 4 қылмыстық іс жіберді. Академияны тәмамдаған соң, ол Павлодар қаласы полиция басқармасының тергеушісі болып тағайындалды.
Қазіргі таңда Полина мүліктік қылмыстарды тергейді, оның ішінде ұрлық және алаяқтық қылмыстары бар. Бірақ оған қарамастан, тергеуші өз мамандығын жан-тәнімен жақсы көреді.
