Павлодар облысының полициясы халықаралық іздеуде жүрген есірткі курьерін есірткі партиясымен ұстады, – деп хабарлайды Polisia.kz.
Облыс орталығында есірткінің заңсыз айналымына байланысты аса ауыр қылмыс жасағаны үшін іздеуде жүрген Павлодар қаласының тұрғыны ұсталды.
2024 жылдың ақпан айында Павлодар облысы полиция департаментінің есірткі қылмысына қарсы іс-қимыл бөлімшесінің қызметкерлері 42 жастағы әйелді ұстады, оның өзімен бірге тыйым салынған заттары болды, олар есірткі жеткізушілер арқылы таратуға дайындалған.
– Зерттеу нәтижелері оның жалпы салмағы 2 грамм болатын синтетикалық препараттар екенін анықтады. Есірткіден басқа, фигуранттан электронды таразы, жеткізушімен хат алмасу үшін пайдаланылатын телефон, сондай-ақ синтетикалық есірткіні өткізуден түскен ақша аударылған банк карталары тәркіленді, – деп атап өтті Павлодар облысы ПД есірткі қылмысына қарсы іс-қимыл басқармасының бастығы Тимур Қаржаубаев.
Ұсталған адам бір жыл бойы тыйым салынған заттарды таратуға мамандандырылған заңсыз интернет-дүкендердің бірінде жұмыс істегенін, әйел қылмыстық қудалаудан аулақ болуға үміттенгенін, ол үшін заңсыз әрекеттерді жасырудың әртүрлі әдістерін қолданғанын айтты.
Тергеу жүргізу кезінде фигурантқа тиісті тәртіппен сыртқа шықпау туралы бұлтартпау шарасы тағайындалды, алайда азаматша тергеу органдарынан жасырынуды жөн көрді, ол үшін ол қамауға алу түріндегі бұлтартпау шарасын сырттай тағайындаумен іздестірілді.
Қазіргі уақытта есірткі немесе психотроптық заттарды заңсыз дайындағаны, өңдегені, сатып алғаны, сақтағаны, тасымалдағаны, жөнелткені не өткізгені үшін сотқа дейінгі тергеп-тексеру жүргізіледі.
Ұсталған адам Павлодар қалалық ПБ уақытша ұстау изолляторына қамалды.
