Павлодар облысының үздік анықтаушысы атағын Екібастұз қаласының ПБ АБ анықтаушысы Иран Ибрагимов иеленді, – деп хабарлайды Polisia.kz.
Павлодар облысының Полиция департаментінде «2020 жылдың үздік анықтаушысы» атағына ие болған Иран Ибрагимов Екібастұз қаласы Полиция басқармасының анықтаушысы болып табылады.
– Қазақстан Республикасы ІІМ Қарағанды академиясында алған білімімді күнделікті қолданамын. Академияда оқып жүрген кезімде оқытылатын пәндер бойынша үздік білім алу үшін барлық күш-жігерімді салдым, қабылданған шешімдерге деген құрмет пен жауапкершіліктің құндылықтарын түсінуім керек болды. Полицияға әкем Серікбай Ибрагимовтың ізімен келгем, бүгінде ол ішкі істер органдарының ардагері, отставкадағы полиция подполковнигі. Менің әкем Серікбай Ибрагимов 30 жылдан астам қызмет өтілі бар Павлодар облысының тәжірибелі жедел уәкілдерінің бірі. Оның полициядағы қызметі тікелей қылмысты ашумен байланысты болды. Ол жас ұрпаққа ақыл-кеңес беріп, тәжірибесімен бөліседі. Әкеме қарап, менде әкем сияқты адал қызметкер болуға тырысамын, – деді Иран.
Екібастұз қаласының Полиция басшылығы басталған істі соңына дейін жеткізетін ұл тәрбиелегені үшін ішкі істер органдарының ардагері Серікбай Ибрагимовке шын жүректен алғыс білдіреді.
