Павлодарда «Аманат» партиясының қалалық филиалында Павлодар қаласы ПБ бастығы Мәлік Оңғарабаев азаматтарды қабылдады, – деп хабарлайды Polisia.kz.
Қалалық полиция басшысынан облыс орталығының 5 тұрғыны көмек сұрады. Азаматтарды қала көшелеріндегі жол қозғалысы қауіпсіздігі мәселесі қызықтырды.
– Қала тұрғыны Бекхожин көшесі 23 учаскесінде жаяу жүргіншілерге арналған реттелетін бағдаршам орнату, сондай-ақ Бекхожин 1 ауласында «тұрғын аймақ» жол белгісін орнату мәселесі бойынша жүгінді. Менің тапсырмам бойынша, әкімшілік полиция қызметкерлерінің көрсетілген мекенжайларға шығуы бірден жүзеге асырылды. Жергілікті атқарушы органдармен, сондай -ақ мәслихат депутаты Павел Горбачевпен бірлесіп тексерулер жүргізілді, – дейді Мәлік Оңғарабаев.
М. Горький көшесі 35 үйдің тұрғыны үйдің ауласында орналасқан гараждардың жанында жиналатын белгілі бір тұрғылықты жері жоқ адамдарға шағымданды. Бұл жерге жергілікті полиция қызметінің қызметкерлері барып, аталған адамдарды анықтады. Сондай-ақ гараж иелері анықталды, мүлікті орнатудың заңдылығы тексерілді. Оларға гараждарға іргелес аумақты ретке келтіру қажеттілігі көрсетілді. Егер бұл талаптар орындалмаса, олар әкімшілік жауапкершілікке тартылады.
