Павлодар тұрғыны 52 млн теңге бопсалады деген күдікке ілінді, – деп хабарлайды Polisia.kz.
23 ақпанда Павлодар қаласында арнайы іс-шаралар барысында полицейлер бопсалаушылық күдігі бойынша 40 жастағы қала тұрғынын ұстады.
– Ер адам өткен жылдың сәуір-қыркүйек айлары аралығында Павлодарда орналасқан ЖШС фирмасының бірінің директоры мен бас директорынан 52 млн 080 мың теңге көлемінде ақшалай қаражатты бопсалаған деген күдікке ілінді, – деп хабарлады Павлодар облысы Полиция департаментінің бастығы Василий Скляр.
Аталған факті бойынша Қазақстан Республикасы ҚК-нің 194-бабы 4-бөлігі (Қорқытып алу) бойынша сотқа дейінгі тергеу жүргізілуде. Күдікті Павлодар қаласының уақытша ұстау изоляторына қамалды.
