Павлодар тұрғыны бір аптада жылдамдық режимін бес рет бұзған, – деп хабарлайды Polisia.kz.
415 млн теңгеге жуық сомаға көлік құралдарының жүргізушілерінің белгіленген қозғалыс жылдамдығынан асып кетуін, бағдаршамның тыйым салу сигналына өтуін және көлік құралдарының жүру бөлігінде (аялдама желісі) орналасу ережелерін бұзуды тіркейтін жүйелермен жол жүру ережелерін бұзу тіркелді. Жол қозғалысы қауіпсіздігі мақсатында Павлодар қаласында «Red Speed» аралас жүйелері, жол жүруді бақылаудың зияткерлік жүйелері, жол жүру ережелерін бұзушылықтарды тіркеу жөніндегі функцияларды және «Автоураган»10 АБК жұмыс істейді.
Сонымен қатар «Кибер-шериф» аппараттық жүйелері қолданылады, оларды енгізу оң нәтиже береді.
– Осы жүйелерді орнату орындарында жол-көлік оқиғаларының саны азайды. Сонымен қатар жүйенің жұмысындағы «адам факторын» алып тастау жазаның сөзсіз болуына ықпал етеді. Бүгінгі таңда бұл жүйелерде жол жүру ережелерін бұзудың 31 мыңнан астамы анықталды. «Кибер-шериф» жүйесімен осы жылдың басынан бастап 280 млн теңгеден астам сомаға 20345 құқық бұзушылық анықталды, – деп атап өтті Павлодар облысы ПД әкімшілік полиция басқармасының бастығы Борис Әлімбаев.
Көлік құралдарының соқтығысуы мен аударылуы нәтижесінде ЖКО-да қаза тапқандардың жалпы санының 50 пайыздан астамы қаза табады. 24 тамыздан бастап Қызылорда – Павлодар автожолында көлік құралдарының жүру жылдамдығын автоматты режимде өлшеуге, мемлекеттік тіркеу нөмірлік белгілерін тануға арналған «ZEREK-2» аппараттық-бағдарламалық кешені қолданысқа енгізілді.
Мысалы, 24-29 тамыз аралығында Mitsubishi Pajero Sport автокөліктің 30 жастағы жүргізушісі камералардың көзіне бес рет түсті. Құқық бұзушы ҚР ӘҚБтК-нің 592-бабы бойынша жылдамдық режимін асырғаны үшін әкімшілік жауапкершілікке тартылды. Енді жылдамдықты сүйетін адамға 276 мың теңгеден астам айыппұл төлеуге тура келеді. Қалада да, одан тыс жерлерде де көлік жүргізу жүргізушіден үлкен көңіл мен тәртіпті талап етеді.
