Павлодар тұрғыны полиция қызметкеріне алғыс айтты, – деп хабарлайды Polisia.kz.
Полиция қызметкерлерінің жұмысы қоғам үшін баға жетпес әрі күн сайын сұранысқа ие. Бұл – қарапайым азаматтардың ризашылығымен бағаланып, олардың еңбегінің құрметке лайық екенін көрсетеді.
Павлодар облысының Аққулы ауылында тұратын Әлия Мырзатаева @dp_pavlodar аккаунтына полиция қызметкерлеріне алғыс білдіріп хат жолдады.
Әйел өзінің хатында Аққулы ауданы полиция бөлімінің ювеналды полиция тобының кәмелетке толмағандар істері жөніндегі учаскелік полиция қызметкері Сандуғаш Омарованың жоғары кәсібилігі, ар-намысы мен түсінігіне сенім артқанын ерекше атап өтті.
– Оның көмегі мен белсенді қатысуы, сондай-ақ қызымның смартфонының жоғалуы жөніндегі өтінішті жедел әрі дұрыс шешкені үшін шын жүректен алғысымды білдіремін. Жаттығудан үйге келгенде қызым телефонын жоғалтып алғанын білді. Біз дереу полицияға хабарластық. Қатарынан бірнеше сағаттан кейін капитан телефонды тауып әкелді. Балапанымның қуанышында шек болмады. Енді мен кез келген уақытта құқық қорғау органдарына көмек сұрауым мүмкін екеніне толық сенемін. Біздің ержүрек полиция қызметкерлерінің адалдығы мен біліктілігіне тағы да көз жеткіздім, – деп жазды мектеп оқушысының анасы.
Сонымен қатар алғыс білдірген ауыл тұрғыны барлық аудандық полиция бөліміне оң пікір білдіріп, Аққулы ауылының аумағында қоғамдық тәртіп пен қауіпсіздікті қамтамасыз ету үшін қосымша бейнебақылау камераларын орнату туралы ұсыныс жасады.
– Алдымен бейнебақылау камераларын қарап шықтым, содан кейін оқушының үйіне апаратын жолмен жаяу жүріп өттім. Үйіне жетпей, 150 метр қашықтықта қар астынан телефонды тауып, заңды иесіне қайтардым. Біздің ортақ міндетіміз – азаматтарға көмек көрсету, ал ризашылық сөздері – біз үшін үлкен ынталандыру. Біздің басты мақсатымыз әрқашан сергек болып, қажет болғанда көмекке келу, – дейді Сандуғаш Омарова.
