Павлодарда 20-дан астам көлік айыппұл тұрағына қойылды, – деп хабарлайды Polisia.kz.
Павлодар қаласының патрульдік полиция батальонының полицейлері жол және қоғамдық қауіпсіздіктің құқықтық тәртібін тәулік бойы қадағалайды. Осындай үздіксіз жұмыстың арқасында бірде-бір құқық бұзушылық назардан тыс қалмайды.
– Мысалы, Естай көшесінде тәртіп сақшылары мемлекеттік тіркеу нөмірлік белгісін көрсетпеген Toyota көлігін тоқтатты. Сондай-ақ құжаттарды тексеру кезінде полицейлер жүргізушінің жүргізуші куәлігінің мерзімі өткенін анықтады. Жүргізушіге қатысты осы бұзушылықтар үшін ҚР ӘҚБтК-нің 620-бабы бойынша әкімшілік хаттама толтырылды, осыған байланысты оған ескерту жасалды. Сондай-ақ ҚР ӘҚБтК-нің 612-бабына сәйкес, 20 АЕК мөлшерінде айыппұл салуға әкеп соғады. Көлік айыппұл тұрағына қойылды, – деді Павлодар қаласының патрульдік полиция батальонының командирі Айдар Сламбеков.
Сондай-ақ Исиналиев көшесінде полицейлер Lexus көлігін байқап, тоқтатты. Оның жүргізушісі қауіпсіздік белдігін тақпаған. Оған қатысты ҚР ӘҚБтК-нің 593-бабы бойынша әкімшілік хаттама толтырылды. Ер адамға 5 АЕК мөлшерінде және ҚР ӘҚБтК-нің 230-бабына сәйкес, 10 АЕК мөлшерінде айыппұл төлеуге тура келеді. Құқық бұзушының көлігі айыппұл тұрағында.
Байзақов көшесіндегі түнгі клубтардың бірінің жанында Ravon автокөлігінің жүргізушісі 3.27 «Аялдамаға тыйым салынған» жол белгісін елемеді. Жүргізушіге қатысты ҚР ӘҚБтК-нің 601-бабы бойынша әкімшілік хаттама толтырылды, оған айыппұл 3 АЕК көлемінде айыппұл салынды. Тәртіп сақшылары бұл жиі бұзушылықтардың бірі екенін хабарлайды. Бұл жерде жүргізушілер көбінесе жол белгілерін елемейді және көліктерін қояды. Осылайша басқа көліктердің қозғалысын қиындатады.
Тәртіп сақшылары ҚР ӘҚБтК-нің 601-бабының нормаларына сәйкес, жол белгілерімен немесе жолдың жүру бөлігін белгілеумен белгіленген талаптарды сақтамағаны үшін бұзушыға 10 АЕК-ге дейінгі мөлшерде айыппұл салынатынын еске салады. Бірнеше күннің ішінде Павлодардағы айыппұл тұрағына 20-дан астам көлік қойылды.
