Павлодарда автокөлік салонынан ұрлық жасаған күдікті ұсталды, – деп хабарлайды Polisia.kz.
Көлік құралдарымен байланысты қылмыстардың жолын кесу және ашу – құқық қорғау органдары қызметіндегі басым бағыттардың бірі.
Алайда қабылданған шараларға қарамастан, азаматтардың жеке мүлкін автокөлік салондарынан ұрлау жалғасуда.
Кез-келген қолжетімді мүлік, автомобиль магнитолалары мен панельдегі құжаттардан бастап, техника мен барсеткаларға дейін қылмыскерлердің пайдасына айналады. Мұндай қылмыстар көбінесе қорғалмаған аумақтарда немесе аула тұрақтарында жасалады.
Мысалы полицияға павлодар тұрғыны Toyota Harrier автокөлігінің салонына заңсыз кіру жолымен ақша ұрлығын жасағанын айтты.
– Қабылданған шаралар барысында жедел уәкілдер күдіктіні анықтап, ұстады. Оған қатысты сотқа дейінгі тергеу жүргізіліп жатыр. Бұрын жасалған осындай қылмыстарға қатысы тексеріледі, – дейді Павлодар облысы ПД криминалдық полиция бастығы Балғабай Қапаров.
Автокөлік ұрыларының құрбаны болмас үшін бірнеше кеңесті орындау қажет: автокөліктің қауіпсіздігін қамтамасыз ету үшін автокөлікті дабылмен жабдықтаңыз, мүмкіндігінше көлікті күзетілетін автотұрақтарда қойыңыз, көлікте құнды заттарды қалдырмаңыз. Қарапайым қауіпсіздік ережелері сіздің көлігіңізді ұрлаудан, автокөлік салонынан ұрлаудан және автокөлік бөлшектерін – фараларды, айналар мен автокөлік аксессуарларын ұрлаудан сақтауға көмектеседі.
Егер сіз шабуылдаушылардың құрбаны болсаңыз, дереу “102” нөміріне хабарлаңыз.
Жедел-тергеу тобының келуін күтіңіз және қылмыстың іздерін жоймау үшін, көлікте ештеңеге қол тигізбеңіз.
