Павлодарда көлік тізгінінде телефон пайдаланған такси жүргізушісі жауапқа тартылды, – деп хабарлайды Polisia.kz.
Павлодар облысында көлік жүргізу кезінде ұялы телефон пайдаланғаны үшін 1961 жүргізуші әкімшілік жауапкершілікке тартылды.
Павлодар қаласының тұрғыны 102 мобильді қосымшасы арқылы полицейлерге тағы бір осындай фактіні хабарлаған.
– Сәуірдің 3-і күні Police102 мобильді қосымшасына бір әйел телефон соғып, тәртіп сақшыларына осыдан біраз уақыт бұрын Нұр-Сұлтаннан Павлодарға таксимен келгенін, такси жүргізушісі жол бойы ұялы телефонмен сөйлесіп тұрғанын, сондай-ақ біреумен де хат жазысқанын айтты. Жолаушы жүргізуші өзінің және басқа жолаушыларының пікірлеріне жауап бермегенін айтты. Әйел көліктің маркасы мен мемлекеттік нөмірін полиция операторына тапсырды, – деп хабарлады Павлодар облысы Полиция департаментінің баспасөз қызметі.
Тез арада қызметкерлер құқық бұзушыны анықтады. Ол полицияға қорқатын ештеңе жоқ, өйткені көлік жүргізуде тәжірибем көп, жалпы алғанда, ол бір уақытта бірнеше нәрсені жасай алатынын айтып, ақталмақшы болды. ҚР ӘҚБтК-нің 591-бабын бұзғаны үшін полицейлер тәртіп бұзушы жүргізушіге қатысты әкімшілік хаттама толтырып, алдағы уақытта мұндай фактілердің қайталанбауы үшін онымен профилактикалық әңгіме жүргізді.
