Павлодарда мыңнан астам жүргізуші маневр жасау ережелерін бұзған, - деп хабарлайды Polisia.kz.
Павлодар полицейлері жол қозғалысы ережелерін бұзу фактілерінің алдын алу мақсатында тұрақты түрде рейдтік іс-шаралар өткізіп тұрады. Бұл шаралар әсіресе маневр жасау ережелерін бұзу салдарынан болатын апаттардың алдын алуға бағытталған.
Биыл маневр жасау ережелерін бұзғаны үшін 1194 жүргізуші әкімшілік жауапкершілікке тартылды.
Жүргізушілер жолды қысқартуды немесе жолақтарды дұрыс ауыстыруды көздеп, тиісті емес орындарда тоқтайды, сондай-ақ көліктерін заңсыз жерде қалдырады. Мұндай әрекеттердің нәтижесінде жол-көлік оқиғалары мен ауыр салдарлар туындауы мүмкін.
- Павлодар қаласында Естай көшесінде полицейлер Mazda көлігін байқап, оның жүргізушісінің Малайсары батыр көшесіне бұрылыс жасап, жолда тиісті дабыл бермей маневр жасағанын анықтады. Осыған байланысты оған айыппұл салынды, - деді Павлодар облысы полиция департаменті.
"Заң және тәртіп" қағидасын ұстанып, полиция департаменті жол қозғалысының барлық қатысушыларын жолдардағы құқық бұзушылықтарға төзбеушілік танытуға және оларды болдырмауға шақырады. Бір-бірімізге құрметпен қарау біздің қауіпсіздігіміздің басты кепілі бола алады.
