Павлодарда полицейлер оқушылардың құқықтық сауатын арттыру мақсатында кездесу өткізді, – деп хабарлайды Polisia.kz.
"Жас Дарын" мектеп-лицейінде кәмелетке толмағандар арасындағы құқық бұзушылықтардың алдын алуға, сондай-ақ білім беру ортасында қорқытудың алдын алу тақырыбына арналған полиция қызметкерлерінің қатысуымен құқықтық сағат өткізілді.
Полиция қызметкерлері оқушыларға қандай іс-әрекеттер әкімшілік немесе қылмыстық жауапкершілікке әкелуі мүмкін екендігі туралы айтып, қоғамдық орындарда және интернет желісінде мінез-құлық ережелерін сақтаудың маңызын түсіндірді.
Кездесу барысында полицейлер қорқыту мәселелеріне — оның нысандарына, себептері мен белгілеріне егжей-тегжейлі тоқталды. Балаларға бір-бірін құрметтеу, агрессияға, қорлауға, физикалық немесе психологиялық қысымға жол бермеу қаншалықты маңызды екендігі түсіндірілді.
Кездесу соңында Павлодар қалалық ПБ Солтүстік полиция бөлімінің учаскелік полиция инспекторы Дамир Мағзұмов оқушыларды бір-біріне мұқият болуға, заңдарды сақтауға және қауіпсіздік пен әл-ауқат көбіне олардың әрқайсысына байланысты екенін есте сақтауға шақырды.
Құқықтық сағат құқық бұзушылықтың алдын алу мен буллингке қарсы күрестегі маңызды қадам болды, бұл балаларға ересектердің көмегіне әрқашан сене алатынына қажетті білім мен сенімділік берді.
