Павлодарда полиция қызметкерлері жолда ұйықтап жатқан мас әйелді тапты, – деп хабарлайды Polisia.kz.
Полиция облыс орталығын патрульдеу кезінде Украинская 97 көшесінде жол бойында жатқан әйелді байқады. Жақындаған кезде әйел бөтелкені құшақтап ұйықтап жатқан. Ол полицияның ескертулеріне жауап бермей, ұйқысын жалғастыра берді. Оны көтеріп тұрғызғаннан кейін ғана әйел өз-өзіне келді.
– Азаматтар өз мүмкіндіктерін асыра бағалап, достарымен ішіп, содан кейін үйге бара алмайтын көптеген мысалдар бар. «Құқықтық тәртіп” ЖПІ-нің тек бір аптасы ішінде мас күйінде көшеде және қоғамдық орындарда 300-ге жуық павлодарлық ұсталды. Барлық құқық бұзушылар жауапкершілікке тартылды, – деді Павлодар қаласы ПБ бастығының бірінші орынбасары Арман Қаптаев.
Тәртіп сақшысы бұл күндері 19 жүргізуші де мас күйінде көлік жүргізгені үшін ұсталып, ерекшеленгенін атап өтті. Сотпен барлық іс бойынша кінәлілер әкімшілік қамауға алынып, 7 жылға көлік басқару құқығынан айырылды.
Естеріңізге сала кетейік, «Құқықтық тәртіп» жедел-профилактикалық іс-шарасы 10 маусымға дейін жалғасады, полиция қоғамдық орындардағы адамдардың қауіпсіздігін нығайтуға, алкогольге қарсы заңнаманы бұзумен күресуге баса назар аударады.
