Павлодарда полиция тұмылдырықсыз ит серуендеткен азаматты жауапқа тартты, – деп хабарлайды Polisia.kz.
– Үй жануарларының иелері белгіленген серуендету ережелерін қатаң сақтауы тиіс, әйтпесе оның салдары ауыр болуы мүмкін. Павлодар полициясына әйел адам Набережный көшесінде ер адамның итін тұмылдырықсыз серуендетіп жүргеніне шағымданды. Шақыру бойынша жеткен полиция қызметкерлері үй жануарының иесін жануарларды серуендету қағидаларын бұзғаны үшін жауапкершілікке тартты, – деп хабарлады Павлодар облыстық ПД.
Құқық қорғаушылар иттерді балалар алаңдарында, мектепке дейінгі және мектеп аумақтарында, скверлерде, стадиондарда және басқа да қоғамдық орындарда серуендетуге тыйым салынатынын ескертеді. Ит серуенге шыққанда міндетті түрде тұмылдырық тағылып, қарғыбауда болуы тиіс, ал адамдар көп жиналатын орындарда итті қысқа қарғыбауда ұстау қажет.
– Жеке үйлердің иелері иттерді аула шегінде, олардың қашып кетуіне жол бермейтіндей жағдайда ұстауы керек, сондай-ақ қақпаға ит бар екенін хабарлайтын ескерту тақтайшасын орнатуы тиіс. Көшеге шығып кеткен ит өтіп бара жатқан адамдарға, әсіресе балаларға қауіпті болуы мүмкін.
Егер сіз осындай жағдайларға куә болсаңыз, міндетті түрде полицияға хабарласыңыз. Қауіптің нақты болуы шарт емес — жеткілікті түрде әлеуетті қауіптің бар болуы, – деп еске салды тәртіп сақшылары.
