Маневр жасау ережелерін бұзғаны үшін Ертіс өңірінің 4 мыңға жуық жүргізушісі жауапқа тартылды, – деп хабарлайды Polisia.kz.
Павлодар облысының полицейлері күн сайын облыс жолдарындағы қауіпсіздікті қадағалап, ЖҚЕ бұзушылықтарын анықтайды.
Жүргізушілердің жиі бұзушылықтарының бірі-маневр жасау ережелерін бұзу. Жыл басынан бері мұндай бұзушылық үшін 4 мыңға жуық жүргізуші жазаланды.
– Мысалы маневр жасау ережелерін бұзғаны үшін Павлодар көшелерінің бірінде Toyota Camry автокөлігі тоқтатылды. Жүргізуші бұрылыс сигналдарынсыз қатардан қатарға ретсіз қозғалған. Жүргізушіге 18 460 теңге көлемінде айыппұл салумен әкімшілік хаттама жасалды –дейді Павлодар облысы ПД жергілікті полиция қызметінің бастығы Қуаныш Мұстафинов.
Қала ағынында маневр жасау ерекше назар мен мұқияттылықты қажет етеді. Жүргізуші аялдамалар мен бұрылыстарды, жолда жиі орын ауыстыруға дайын болуы керек және жаяу жүргіншілер мен басқа көліктердің болуын ескеруі өте маңызды. Маневр жасамас бұрын жүргізуші өзінің ниеті туралы нақты және алдын-ала ескертуі керек. Маневр жасау кезінде жүргізуші қауіпсіздікті сақтауы және жол қозғалысының басқа қатысушыларына кедергі келтірмеуі керек. Оны орындамас бұрын кедергілердің жоқтығына және маневрдің еркіндігіне көз жеткізу маңызды. Маневр жасау кезінде қауіпсіздік ережелерін сақтамау әртүрлі салдарға әкелуі мүмкін, соның ішінде жол-көлік оқиғалары, автокөлікке немесе басқа көлік құралдарына зақым келтіру және жүргізуші мен жолаушыларға жарақаттар тигізу.
