Павлодарлық полицей өзі құтқарған балаларды Жаңа жыл мерекесімен құттықтады, – деп хабарлайды Polisia.kz.
Полицей Азамат Саянов үшін жаңа жыл қарсаңында құтқарылған балаларға бару жақсы дәстүрге айналды. Балалар өздерінің жетістіктері мен қысқы демалыс жоспарларымен бөлісті, олармен болған қызықты оқиғалар туралы айтты. Азамат балаларды Жаңа жылмен құттықтап, оқуда сәттілік тілеп, балаларға тәтті сыйлықтар сыйлады.
Әңгімелесуде балалардың ата-аналары атап өткендей, осы оқиғадан кейін Аспандияр мен Қуаныш спортпен шұғылдана бастады. Атап айтқанда, олар футбол ойнағанды ұнатады. Балалар футболдан аудан құрамасының құрамында облыстық және республикалық турнирлердің бірнеше дүркін жүлдегері болып табылатын Азамат сияқты жетістіктерге қол жеткізгісі келеді. Балалар полицейлерге зор денсаулық, қиын қызметте табыс тілеп, жаңа жылдық сыйлықтары үшін алғыстарын білдірді.
Естеріңізге сала кетейік, 2022 жылдың күзінде Ертіс ауылында 12 жасар Аспандияр мен 11 жасар Қуаныш мектептен кейін Ертіс өзенінің жағасында серуендеуге шыққан. Қуаныш жартасқа тым жақын келіп, суға құлап түскен. Аспандияр оған көмектесуге шешім қабылдады, бірақ бекер болды, екеуі де батып кетті.
Полиция қызметкері Азамат Саянов балалардың көмек сұрағаны туралы айқайды естіді, ол еңбек демалысында болған, сол кезде туыстарын паромнан қарсы алуға шыққан. Азамат еш ойланбастан суға секірген.
– Мен тек бір нәрсе туралы ойладым ең бастысы – балаларды құтқаруға үлгеру, ең бастысы – олардың тірі болуы. Мен балаларды құтқаруды ерлік деп санамаймын. Бұл әрбір полицейдің міндеті – қиын уақытта азаматтарға көмектесу, – деді Азамат Саянов.
Азамат ішкі істер министрінің құқығымен «Ерлігі үшін» медалімен марапатталды, «Мейірімділік керуені» 5 республикалық байқауының лауреаты, «Ерлігі үшін» жастар сыйлығының лауреаты, «Халық таңы» республикалық қоғамдық сыйлығымен марапатталды.
