Солтүстік Қазақстан облысында полиция инспекторы ішкілікке әуес болған петропавлдық тұрғынға көмектесіп, профилактикалық іс-шаралар жүргізген, – деп хабарлайды Polisia.kz.
Солтүстік Қазақстан облысы полиция департаментінің электрондық поштасына Петропавл қаласының тұрғынынан учаскелік полиция инспекторы Ерлан Ноғұрбековке алғыс жазылған хат келді.
– Қызметтік міндеттерді дұрыс орындағаны, кәсібилігі үшін алғысымды білдіремін. Ерлан Ноғұрбеков өте ұқыпты, сыпайы және өз ісіне адал жақсы адам, – деп жазылған хатта.
Егде жастағы әйелдің ағасы көп жылдар бойы жүйелі түрде ішімдік ішіп келген. Бұл ақыр соңында оның отбасын бұзды. Қала тұрғыны учаскелік инспектордан көмек сұрады. Ерлан ағасымен әңгімелесіп, алкоголизмнен мәжбүрлеп емдеудің артықшылықтары туралы әңгімелесіп, ер адам тәуелділіктен өз еркімен күресуге шешім қабылдады.
– Тәжірибем бойынша сөзінде тұрмайтын адамдардың барын білемін. Алайда бұл жағдайда азамат ерік-жігерін көрсетті. Мен онымен жиі кездесіп тұрамын, сондай-ақ қарындасының айтуы бойынша бір айдан бері ол алкогольді мүлдем қолданбаған, – дейді Ерлан Ноғұрбеков.
Полиция лейтенанты Петропавл қаласы полиция басқармасы екінші полиция бөлімінде 3 жылдан бері қызмет атқарады. Оның жауапты аймағы – Жұмысшы кентінде 1800-ге жуық адам тұрады. Ерлан құқықтық тәртіпті қамтамасыз ету бойынша міндеттерді атқарып, учаскеде тұратын 70-тен астам есепке алынған адамдарды қадағалайды және халықпен тығыз байланыс орнатқан.
