Петропавлда демалыс күндері полицейлер тыныштықты бұзудың 22 фактісін тіркеді, – деп хабарлайды Polisia.kz.
Петропавл қалалық полиция басқармасының қызметкерлері қызмет өткерудің үш мерекелік күнін күшейтілген режимде өткізді. Жол қауіпсіздігі, қоғамдық орындарда құқықтық тәртіпті қамтамасыз ету басымдықта болды. Облыс орталығындағы жедел жағдай тұрақты болып қалды, ауыр және аса ауыр қылмыстар тіркелген жоқ.
Барлығы 8-10 наурыз аралығында “102” жедел арнасына 996 телефон хабарламасы келіп түсті, оның 343-і полиция күштерінің ден қоюын талап етті. Ең көп тіркелгені отбасылық жанжал – 27 факті. Сонымен қатар петропавлдықтар шулы жиындарды сүйетіндер тарапынан түнгі уақытта тыныштықтың бұзылуына 22 рет шағымданды. Сондай-ақ 156 әкімшілік құқық бұзушылық бейнебақылау камераларының көмегімен анықталды.
Мереке күндері жол қозғалысы ережелерін жиі бұзу қауіпсіздік белдіктерін пайдаланбау болды, бұл үшін 50 жүргізуші жауапқа тартылды. Сонымен қатар қала көшелерінде 26 жол апаты болды. Салдарынан көлік құралдары зақымданды. Зардап шеккендер тіркелген жоқ.
