Есірткі сататын интернет-дүкеннің иесі 15 жылдан өмір бойына бас бостандығынан айырылуы мүмкін, – деп хабарлайды Polisia.kz.
Петропавл қаласында есірткі қылмысына қарсы іс-қимыл жөніндегі қызметкерлермен 29 жастағы интернет-дүкеннің иесі және «спайс» синтетикалық есірткі өндіруші ұсталды.
Полицейлер анықтағандай, ұсталған адам есірткі жасыру арқылы ақша табуды жоспарлаған. Алайда, ол барынша пайда табамын деп шешіп, есірткіні өндіру мен таратудың толық процесін ұйымдастырған. Ол үшін ол Петропавл қаласында пәтер жалдап, құрал – жабдықтар сатып алып, есірткі таратуға отбасылық жұпты-есірткіге тәуелді М. деген азаматша мен оның бұрын бұзақылық пен ұрлық жасағаны үшін сотты болған жұбайын тартқан.
Интернет-дүкен бірнеше айға ғана жұмыс істеген. Әлеуметтік желілерді мониторингілеу барысында ол полицияның назарына ілігіп, жойылған.
Тінту барысында жалдамалы пәтерден таразы, есірткі өндіруге қажетті жабдықтар, буып-түю материалдары, химиялық реагенттер, өлшеп-оралған және сатуға дайындалған 250 грамм cпайс және cпайс өндіру үшін пайдаланылатын 150 грамм концентрат тәркіленді.
Ұйымдастырушыдан үш ұялы телефон, үш қосымша СИМ-карта, есірткіні жеткізу адресаттары және олардан түскен ақша аударымдары туралы жазбалар алынды. Ұсталғандар бұл дәлелдерді, тәркіленген есірткіге қарағанда мұқият жасырған, өйткені олар тыйым салынған психоактивті заттардың сатылуының ұйымдастырылуын дәлелдейді.
Заңсыз айналымға қатысушылардың барлығы ұсталған. Есірткі құралдарын, психотроптық заттарды, сол тектестерді заңсыз дайындағаны, сақтағаны және өткізгені үшін қылмыстық істер қозғалды.
ІІМ Есірткі қылмысына қарсы іс-қимыл департаменті есірткіні ірі мөлшерде сақтау, тасымалдау, өндіру және өткізу ұзақ мерзімге бас бостандығынан айыруға әкеп соғатынына, ал оларды интернет-дүкендер арқылы өткізген жағдайда мүлкін тәркілей отырып, он бес жылдан бастап өмір бойына бас бостандығынан айыруды көздейтініне назар аударады.
