Полицейлер бөтеннің көлігін сатып жіберген шымкенттікті құрықтады, – деп хабарлайды Polisia.kz.
2 қарашада Әл-Фараби ауданы Полиция басқармасына жергілікті тұрғын арызданған. Оның айтуынша, танысы сеніп тапсырылған құны 4 миллион теңге тұратын автокөлігін сатып жіберген.
Тәртіп сақшыларының жедел-іздестіру іс-шараларын жүргізу барысында Шымкент қаласының тұрғынын анықтап, ұстады.
Аталған жайт негізінде ҚР ҚК-нің 189-бабы 3-бөлігі (Сеніп тапсырылған бөтен мүлікті иемденіп алу немесе талан-таражға салу) бойынша сотқа дейінгі бірыңғай тізіліміне тіркелді. Тергеу амалдары жүргізілуде.
