Түркістан облысы полиция департаменті жасанды интеллект технологияларын қылмыстық ортада пайдалану қаупі артып отырғанын ескертеді, — деп хабарлайды Polisia.kz.
Қазіргі таңда алаяқтар ЖИ көмегімен жалған бейне мен дауыс (deepfake) жасап, азаматтарды алдау әрекеттерін жүзеге асыруда.
Сонымен қатар банк қызметкері немесе мемлекеттік орган атынан сөйлейтін чат-боттар арқылы жеке деректерді иемдену оқиғалары жиілеп келеді.
Жасанды интеллект негізінде дайындалған жалған жарнамалар, инвестициялық жобалар мен интернет хабарландырулар азаматтарды қаржылық шығынға ұшыратуда.
Сондықтан полиция тұрғындарға ескертеді:
— Бейтаныс адамдарға жеке деректерді бермеңіз;
— Күмәнді қоңыраулар мен хабарламаларға сенбеңіз;
— Ақпаратты тек ресми дереккөздерден тексеріңіз;
— Қауіпті жағдай туындаса, “102” нөміріне хабарласыңыз.
Жасанды интеллект – заман талабы. Бірақ оны қылмыстық мақсатта пайдалану қаупі де бар. Сол себепті азаматтар қырағы болып, сақтық шараларын қатаң ұстануы қажет.
