Шығыс Қазақстан облысы бойынша ҚАЖД ОВ-156/16 мекемесінің және Семей қаласы Орталық аудандық пробация қызметінің қызметкерлері мүмкіндігі шектеулі балаларды келе жатқан Жаңа жылмен құттықтады, – деп хабарлайды Polisia.kz.
Жаңа жылдық мерекелер жақындап келеді. Олар әрқашан ерекше, өйткені шыршаның иісі, мереке алдындағы көңіл-күй, жағымды сыйлықтар, достардың құттықтауы мерекенің ажырамас бөлшегі болып табылады.
Өкінішке орай, әр балаға жаңа жыл қарсаңында мұндай сиқыр келе бермейді.
Мүмкіндігі шектеулі балаларға Аяз ата өте сирек келетінін адамдар біледі. Бұл балалар мүгедектер арбасына байланған және үйден таза ауаға көп шықпайды.
Жаңа жыл қарсаңында ОВ-156/16 мекемесінің қызметкерлері ШҚО бойынша ҚАЖД Семей қаласының Орталық ауданының пробация қызметі, “Алем-Спас” қайырымдылық қорымен және Семей қаласы бойынша Арнаулы әлеуметтік қызмет көрсету орталығымен бірлесіп, “Жаңа жылдық ертегі” қайырымдылық акциясы шеңберінде келе жатқан жаңа 2021 жылмен мүмкіндігі шектеулі балаларды үйлеріне барып құттықтады.
– Мұндай отбасыларға көбірек көмек пен көңіл бөлу керек, – деді “Әлем-Спас” қайырымдылық қорының директоры Берікбол Айбол.
Балаларға Аяз ата мен Ақшақардың құттықтағаны ұнады. Кейбір балалар шырша туралы ән айтты, басқалары өлең оқыды, барлығы өте қызықты болды. Ата-аналарға да балаларды осындай құттықтау өте ұнады.
Ұйымдастырушылар балаларға қуанышты Жаңа жылдық көңіл-күй мен жағымды эмоциялардан басқа, олардың Аяз атаға жазған хаттарында қалаған сыйлықтарын, жылы киімдерді табыс етті, балалар керемет тәтті сыйлықтар алды.
Құттықтаулар соңында әр бала Аяз ата және Ақшақармен естелік суретке түсу мүмкіндігіне ие болды.
