Ақтөбелік полиция қызметкерлері қалта ұрлығымен айналысқан ұрыны құрықтады, - деп хабарлайды Polisia.kz.
16 тамызда ұры "Шағын маркет" дүкенінде күртешенің қалтасынан "Kaspi Gold" банк картасын ұрлаған.
Ұрланған картаны пайдалана отырып, 84 мың теңгеден астам сомаға азық- түлік сатып алған. Заттай айғақ ретінде банк картасы тәркіленді. Қазіргі таңда тергеу амалдары жүргізілуде.
- Қоғамдық көліктер мен дүкендерде, адамдар көп жиналатын орындарда қалта ұрыларынан сақ және абай болыңыз! Қарапайым қауіпсіздік ережелерін сақтаңыз, мүліктеріңізді сақтау үшін барлық қажетті шараларды қабылдаңыз, - деді ПД бастығының орынбасары Қанат Нұрмағамбетов.
